Një shtetas shqiptar është gjetur i pajetë në kanalin e Istmit në Korinth, sipas njoftimit të autoriteteve greke. Trupi i viktimës u zbulua nga punonjësit që po kryenin punime për pastrimin e kanalit.
Autoritetet konfirmojnë se viktima është shtetas shqiptar, por ende nuk janë përcaktuar shkaqet e sakta të vdekjes. Hetimet janë në vazhdim për të sqaruar rrethanat e ngjarjes.
Dyshimet e para të hetuesve flasin për një vetëvrasje të mundshme, por nuk përjashtohen pista të tjera.
