Nga data 1 dhjetor deri më 22 dhjetor, në aneksin e stadiumit "Selman Stermasi" do të mbahet cirku Marina Orfei.
Organizatorët e këtij eventi, 'Spectapolis Tirana' premtojnë argëtim me akrobatë që fluturojnë mbi skenë, klounë dhe kafshë të egra nga e gjithë bota.
Duke qenë se kopshti zoologjik në Tiranë është i varfër përsa i përket kafshëve të egra dhe cirku shqiptar gjithashtu, fëmijët kanë nxituar të blejnë bileta për cirkun e famshëm italian që reklamohet kaq shumë në rrjetet sociale.
Por me blerjen e biletave në 'Viviere', vjen edhe befasia e papritur. Prindërit e fëmijëve kanë treguar për JOQ ALBANIA se cirku do zhvillohet pa kafshët e egra pasi për shkak të komplikimeve procuderale, ato kanë mbetur në Itali dhe nuk mund të vijnë në Shqipëri.
Ky njoftim i papritur dhe mbi të gjitha pas blerjes së biletave ka indinjuar prindërit dhe fëmijët pasi kafshët e egra ishin aryseja kryesore për të shkuar në cirk.
Prindërit thonë se për të parë kllounë dhe akrobaci mbi litar shkojnë në cirkun e Tiranës dhe nuk është nevoja të presin bileta për të parë 2 italianët. Ata kërkojnë që prindërit e tjerë të jenë më të kujdesshëm në blerjen e biletave, pasi vetë organizatorët po e tregojnë më së miri papërgjegjshmërinë e tyre.
Denoncimi i prindit:
Pershendetje Doja te publikonit kete cirkun e famshem Na eshte reklamuar prej shume kohesh qe do vije ne shqiperi , Dhe mbasi pret biletat te vjen nje njoftim i cili thote qe kafshet e cirkut kane ngelur ne itali. Bileta ka kushtuar vetem 11 euro personi, por ceshtja nuk eshte te vlera , femijet e mi prisnin me padurim qe te shikonin kafshet ne cirk
Mire eshte qe te behet publike dhe te dijne per cfare do shkojne njerezit atje Sepse te shofesh 2 kllouna italiane nuk ke pse paguam 11 euro por shikon cirkun e tiranes me 1 euro cdo fundjave
