Në Torrevieja, Garda Civile Spanjolle ka arrestuar një 43-vjeçar me kombësi shqiptare, i dyshuar për disa raste grabitjeje me forcë në Orihuela Costa dhe falsifikim dokumentesh. Gjykata Hetimore Nr. 2 e Orihuelës ka urdhëruar paraburgimin e tij.
Sipas hetimeve, më 21 shtator është raportuar një grabitje në një shtëpi në Orihuela Costa, ku janë vjedhur para dhe sende personale me vlerë 87.500 euro. Pas mbledhjes së provave, në bashkëpunim me disa njësi të tjera hetimore, autoritetet kanë arritur të identifikojnë të dyshuarin, duke u bazuar edhe në një arrestim të mëparshëm për përdorim të dokumenteve të falsifikuara. Identiteti i tij është konfirmuar përmes Sistemit Automatik të Identifikimit të Gjurmëve të Gishtit (SAID).
Gjatë një kontrolli në banesën e të arrestuarit, janë sekuestruar objekte të dyshuara si të vjedhura, dokumente identiteti dhe targa të falsifikuara, një automjet luksoz, çanta të markave të njohura dhe para të gatshme. Gjithashtu, janë identifikuar lidhje të tij me raste të tjera grabitjeje.
