Detaje të reja janë zbardhur nga vrasja që ndodhi pasditen e sotme në Ndroq, ku 50-vjeçari Alfred Dedja u qëllua për vdekje me armë zjarri teksa po dilte nga një lokal.
Autori i dyshuar i ngjarjes është identifikuar si 27-vjeçari Julian Gjoshi nga Shijaku. Gjoshi dhe Dedja rezultojnë me precedentë të mëparshëm penalë.
Sipas raportimeve paraprake, autori i dyshuar po futej në lokal e ka qëlluar viktimën me armë zjarri dhe më pas është larguar me shpejtësi nga vendngjarja me një makinë të tipit ML.
Referuar të dhënave nga grupi hetimor, pista e parë e dyshuar që është ngritur për këtë ngjarje është prishja e pazareve të drogës. Po ashtu, nuk përjashtohet mundësia që ngjarja të ketë ndodhur pas një grindje të çastit apo për motive banale.
