UFC 309 nuk mund të shkonte më mirë!
Pas një fitoreje mbresëlënëse me Knock Out në raundin e parë, shqiptari Ramiz Brahimaj i vuri plisin e bardhë Joe Roganit gjatë intervistës pas ndeshjes.
Plisi është trashëgimi e familjes së Brahimajt.
Pasi mundi Mickey Gall, Brahimaj u pyet për plisin që i dha Roganit.
Ai u përgjigj: “Ah, është një plis shqiptar. Ishte i gjyshit tim.“
Plisi është një element i veshjes tradicionale i përhapur në të gjitha trojet shqiptare. Por dhurata e Brahimajt për Roganin kishte një domethënie më të thellë.
Plisi i përkiste gjyshit të ndjerë të Brahimajt. Kur gazetari e pyeti për të, luftëtari i kategorisë welter i kërkoi mediave që të postonin në Twitter për komentatorin e UFC-së, duke i kërkuar që të kujdesej për këtë pjesë të historisë së familjes së tij.
Pikërisht atëherë gazetari e pyeti për përshëndetjen që tha në shqip Brahimaj.
Ai u shpreh: “Përshëndetjen që thashë në shqip, thjesht po thoja… ‘Ky ishte plisi i gjyshit tim, po ia jap.’ Gjyshi im ishte një njeri i mrekullueshëm. U prehtë shpirti i tij në paqe. Një gjë që e karakterizonte ishte zemra e tij e madhe dhe bujaria. Dhe e dija që thjesht doja t’i jepja atë pjesë të vogël të historisë së familjes sime Joes. Kurrë nuk kam pasur një intervistë brenda kafazit me Joe Rogan. Kështu që, pse të mos e bëja të paharrueshme sonte?”
