Një 47-vjeçar nga Tirana është arrestuar nga policia nën akuzën për kallëzim të rremë. Shtetasi me inicialet A.N., banues në kryeqytet, kishte bërë një denoncim në Komisariatin e Policisë Nr. 4, duke deklaruar se ishte dhunuar fizikisht nga kunati i tij, shtetasi B.D.
Pas kryerjes së hetimeve nga autoritetet, u konstatua se pretendimi i bërë nga A.N. nuk ishte i vërtetë. Verifikimet zbuluan se kunati i tij, B.D., ndodhej jashtë Shqipërisë, konkretisht në Greqi, në kohën kur ishte bërë kallëzimi.
Pas këtij konstatimi, ndaj A.N. u mor masa e arrestit dhe çështja iu referua Prokurorisë së Tiranës për të vazhduar me procedurat ligjore të mëtejshme.
