Të moshuarit që shesin në trotuaret e Tiranës janë “alergjia” më e madhe e kryebashkiakut Erion Veliaj dhe policisë që zbaton urdhrat e tij.
Rastet kur policët bashkiakë kanë terrorizuar të moshuarit që shesin qese me fruta-perime trotuareve të kryeqytetit janë të shumta pasi arsyetimi i tyre lidhet me zënien e hapësirave publike.
Por kur bizneset zgjerohen deri në trotuar e rrugë, Policia Bashkiake mbyll sytë dhe bëhet “qorre” para ankesave të qytetarëve.
Së fundmi një qytetar ka denoncuar në redaksinë tone zënien e trotuareve nga bizneset te rruga “5 Maji”. Ai ka treguar me pamje se si këto biznese tregtojnë mallrat e tyre në trotuar e rrugë, duke bllokuar plotësisht kalimin për këmbësorët.
Qytetari shprehet se një praktikë e tille rrezikon jetën e kalimtarëve pasi u duhet të ecin paralel me makinat.
Ai i bën thirrje Policisë Bashkiake që të marrë masa të menjëhershme pasi ky “model” ndiqet edhe në zona të tjera, mjaft të populluara, të Tiranës.
Denoncimi i qytetarit:
Ne rrugën 5 Maji prane lapidarit te Qemal Stafës.Malli tregtohet ne trotuar dhe rruge duke rrezikuar jeten e tyre ,sidomos te nenave dhe pleqve.Ju lutem shperndajeni qe te parandalohet ndonjë aksident,pasi indiferentizmi i patrullave te Policisë Bashkiake eshte i madh. Ato jane prezente çdo dite aty po bejne sikur nuk shikojnë....u jane errur syze. Filmimi eshte sot ne mengjes. Kjo gjendje eshte e perditeshme Ishalla nuk ndodh ndonjë ngjarje aksidentale....
