Jocelyn Wildenstein, e njohur ndryshe si 'Catwoman', ka habitur ndjekësit duke ndarë foto nga e kaluara, të cilat theksojnë bukurinë e saj, megjithëse ajo pretendon se pamja e saj e sotme është krejtësisht natyrale.
Jocelyn mori famë në vitet '90 gjatë divorcit të saj të bujshëm me tregtarin e artit Alec Wildenstein. Sipas një artikulli të “Vanity Fair” të vitit 1998, çifti kishte bërë ndërhyrje në sy vetëm një vit pas martesës.
Në të njëjtin artikull, miqtë e saj hamendësonin se ajo përpiqej të dukej më si një 'mace e xhunglës', pasi ajo dhe bashkëshorti i saj ishin të apasionuar pas këtyre kafshëve. Në atë kohë, Alec e akuzoi se 'ajo mendonte se mund ta rregullonte fytyrën e saj si një mobilie, por lëkura nuk funksionon ashtu. Por ajo nuk dëgjonte.'
84-vjeçarja ka mohuar vazhdimisht ndërhyrjet plastike, duke thënë 'ka pasur gjithmonë një pamje si Brigitte Bardot.'
Dr. Jerry Chidester nga Utah, i njohur si 'Dr. Chiddy', shpjegoi ndërhyrjet që Jocelyn mund të ketë kryer, si dhe komplikacionet e mundshme.
'Kur një pacient kryen procedura të shumta, veçanërisht në fytyrë, kjo mund të shkaktojë komplikacione që ndikojnë fizikisht dhe psikologjikisht në afat të shkurtër dhe afat të gjatë,' tha Dr. Chiddy për DailyMail.com.
Ai beson se ajo ka kryer disa lifting në fytyrë, kirurgji në qepalla (blefaroplastikë), implantime në faqe dhe mjekër, si dhe injeksione të përsëritura të mbushësve dermalë. Në një moment, Jocelyn pranoi se kishte bërë një lifting për të kënaqur bashkëshortin e saj, pasi ai 'urreu të ishte me njerëz të vjetër', por më vonë i kishte thënë se ajo dukej e re.
Dr. Chiddy gjithashtu beson se ajo ka kryer një ngritje të buzës së sipërme dhe një rinoplastikë. Sipas tij, 'këto ndërhyrje të përsëritura mund të prishin proporcioni natyror të fytyrës'.
Më tei ai shtoi se 'përparimet në kirurgjinë plastike mundësojnë transformime të pabesueshme, por është thelbësore të respektohen kufijtë dhe struktura natyrale e trupit për të shmangur komplikacionet'.
