Detaje të reja janë zbuluar nga dëshmia e 17-vjeçarit që ekzekutoi me thikë prindërit dhe vëllain e tij të mitur disa ditë më parë në Itali.
Në rrëfimin e tij, përpara paraburgimit, 17-vjeçari Ricardo ka përshkruar ngjarjet e asaj nate dhe mënyrën se si i sulmoi familjarët e tij, duke filluar me vëllain e mitur.
“Ai që duhej të vrisja fillimisht ishte vëllai im. Ai ishte në shtrat, i kthyer në anën e majtë drejt dritares. Me goditjen e parë që i hodha në fyt, ai u zgjua dhe thirri ‘Babi’. Ia mbylla gojën dhe i dhashë më shumë thika,” tregoi 17-vjeçari.
Sipas tij, lëvizja e radhës ishte të shkonte në dhomën e prindërve për t’i vrarë, por britmat e vëllait i zgjuan dhe ai u përball me prindërit në derën e dhomës së tyre.
“Kishin ndezur dritën, unë isha përballë me thikën në dorë, më thanë të rri i qetë. Ata hynë me mua në dhomën e vëllait tim dhe unë i sulmova,” tha ai.
Pas vrasjes së vëllait, 17-vjeçari shpjegon se më pas vrau nënën e tij, ndërsa babai ishte i fundit që ra i vdekur nga goditjet me thikë. Ai tregoi se e goditi të atin kur ky u kthye për të parë se çfarë kishte ndodhur me fëmijën tjetër.
“E godita me thikë në qafë, se më dhimbsej,” tha ai.
Duke vazhduar rrëfimin e tij me një qetësi të frikshme, 17-vjeçari shtoi se për shkak se babai po vuante pas goditjeve në shpinë, “e godita me thikë në qafë se më dhimbsej.” Ai shtoi se e goditi përsëri edhe nënën, sepse “nuk doja që ajo të vuante më.”
Pas vrasjes së prindërve dhe vëllait, ai i tregoi policisë se e fshehu thikën nën jastëk dhe, ndonëse mendimi i tij i parë ishte të zbriste në katin e poshtëm për të kërkuar ndihmë, vendosi të kthehej në dhomë dhe të injoronte atë që kishte bërë.
Sa i përket thikës, me të cilën i kishte goditur familjarët 68 herë, ai shpjegoi se e kishte mbajtur me një leckë të prerë nga një bluzë e zezë për ta pastruar.
Ai tha gjithashtu se fillimisht kishte menduar të akuzonte nënën për vrasjet, por në fund vendosi të linte babain fajtor. Megjithatë, ky version nuk e bindi policinë, pasi nuk kishte shenja të ndonjë konflikti.
Ricardo u tha oficerëve se fillimisht kishte planifikuar të vriste familjen një natë më parë, “por nuk po më pëlqente. Por vazhdova të mendoja për këtë për orët e ardhshme, derisa shpërtheva.”
