Edi Rama pranon së fundmi se e ka takuar jo njëherë por disa herë ish-zyrtarin e arrestuar të FBI-së. Sipas raportimit të CNN, thuhet se Charles McGonigal e ka këshilluar të ketë kujdes nga disa kontrata që pritej të lidhte qeveria shqiptare me kompani ruse për nxjerrjen e naftës. Këto këshilla dyshohet se kanë ndihmuar Ramën ndaj një qendrimi të mundshëm të Shteteve të Bashkuara të Amerikës, ndaj Shqipërisë.
Ndonëse gazetarët insistuan të pyesin Ramën mbi temat që kanë folur me zyrtarin, kreu i qeverisë nuk ka nxjerr asnjë fjalë. Rama është munduar të jetë i rezervuar në përgjigjie duke anashkaluar pyetjen e duke përfunduar në një tjetër temë diskutimi.
" Unë dhe Republika e Shqipërisë nuk kanë asnjë lidhje me përfundimin e hetimit për një çështje dytësore të dalë rrugës ndërkohë që çështja kryesore është krejt tjetër lidhur me akuzën që i është ngritur zyrtarit të FBI. Ka zero akuzë dhe zero lidhje mes çështjes që diskutohet dhe meje apo qeverisë. Zero.
Zyrtarin e lartë të FBI po e takova disa herë. Kjo nuk përbën asnjë arsye për të nxjerrë konluzione të reja duke parë nga Tirana me dylbitë e zhurmës për zhurmë aq më tepër kur jemi para një fakti të ri dhe tronditës për 21 janarin dhe kërkesës për të hapur hetimin në SPAK. Kush do të kuptojë e kupton" – tha Rama.
Por a po gënjen kryeministri ? Dosja e ameikanëve nxjerr zbuluar emrat e ish-zyrtarëve të Shërbimit Informativ që dyshohet se kanë paguar rryshfet te ish-zyrtari i FBI-së për të luajtur rolin e spiunit. Pyetja tjetër që lind është se përse kryeministri Rama duhet të takohet disa herë me zyrtarët e FBI-së që janë me misione në Shqipëri? Këta zyrtarë kanë detyrim të bashkëpunojnë me institucionet e drejtësisë së vendit dhe jo me kreun e qeverisë. Pritet të shohim se sa i aftë do të jetë SPAK të zbulojë një korrupsion të thellë të mundshëm shtetëror.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
