444 rrënjë kanabisi në Shijak, “pronari”: Më duheshin lekë për të bërë operacion këmbën

Shkruar nga: A Shehaj | Publikuar më: 25.01.2023, 17:30

Ditën e djeshme në zonën e Shijakut në Durrës u zbulua një laborator droge, ku kultivohej një sasi mjaft e madhe kanabisi. Aktiviteti kryhej në një banesë me katër kate në pronësi të vëllezërve Fredi Krasniqi dhe Selman Krasniqi. Dy katet e fundit ishin përshtatur si laboratorë droge dhe ishin mbjelllë 444 bimë narkotike kanabis, që kishte çelur boçe dhe ishte thuajse gati për vjelje.

43-vjeçari, Fredi Krasniqi i cili është arrestuar, ka pranuar kultivimin e kanabisit dhe ka deklaruar se qëllimi kryesor ishte fitimi i parave pasi i duheshin për të kryer një ndërhyrje kirurgjikale. Ndërkohë që në lidhje me arsenalin e armëve ka deklaruar se ato i ka që nga viti 1997.

Bimët narkotike i kam mbjellë vetë, pasi nuk kisha lekë për të bërë operacion këmbën se jam invalid. Të gjithë sistemin për të rritur bimët narkotike i kam montuar vetë. Ndërsa armët dhe municionet luftarake, kanë ngelur aty që nga viti 1997.

Por pavarësisht kësaj deklarate, policia ka dyshime se 43-vjeçari dhe vëllai i tij Selman Krasniqi i cili është shpallur në kërkim, mund ta kenë vënë vilën e tyre në dispozicion të grupeve kriminale. Pasi ka dyshime se për ndërtimin e ambienteve dhe armët për ruajtjen e kanabisit kanë financuar grupet kriminale. Nisur nga këto dyshime, armët e gjetura janë çuar për ekzaminim në policinë shkencore pasi nuk përjashtohet mundësia që të jenë përdorur në ngjarje kriminale.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Djali tek Sheshi Skënderbej
    I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
    Qytetari nga Kavaja
    Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
    I riu zemërgjerë
    Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
    Djali që ndihmoi të moshuarin
    Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
    Greis dhe Rakel
    Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
Më të Lexuarat
Shkarkoni aplikacionin JOQ ALBANIA në platformat
Më të fundit