Një shqiptar është arrestuar nga policia italiane, nën akuzën e shpërndarjes së drogës. Mediat italiane shkruajnë se shqiptari 45-vjeçar, Ardjan Xhixhabesi, i njohur me pseudonimin Leo, duket se kishte shumë vite që bënte trafik droge, pasi kishte klientë prej 20 vitesh.
Hetimi
Shqiptari merrte rreth 600 telefonata dhe mesazhe në dy muaj e gjysmë për të blerë kokainë.
Hetimet nisen duke marrë indicie nga disa kontrolle të bëra pas transfertave te klientët. Transfertat më pas çuan në rindërtimin e një rrjeti kontaktesh, të cilët blinin kokainë dhe marihuanë, në disa raste që nga viti 1999, pra mbi 20 vjet.
Marrëdhëniet ishin aq të konsoliduara sa Xhixhabesi kishte ruajtur emrat e tyre në telefonin e tij.
Sa para fitonte?
Nga hetimet rezultoi se kishte persona që blinin kokainë edhe dy herë në javë, me çmimin 40 euro për gjysmë gram. Klienti më besnik tha se kishte blerë marijuanë nga Xhixhabesi që nga viti 1999, duke paguar 50 euro të paktën dy herë në muaj dhe në total ai kishte shpenzuar përgjatë këtyre 23 viteve rreth 15 mijë euro.
Ndërsa klientet femra të Xhixhabesit blinin kokainë. “Vighi” kishte shpenzuar rreth 1500 euro, ndërsa nga një tjetër që e quajti “Arancino”, ai fitoi 9500 euro në tre muaj.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
