Helikopteri bie pranë kopshtit të fëmijëve në Kiev, mes 17 të vdekurve edhe Ministri i Brendshëm

Shkruar nga: Bardh Kodheli | Publikuar më: 18.01.2023, 10:00

Një helikopter është rrëzuar në periferi të Kievit në një zonë të banuar dhe ka shkaktuar një tragjedi të madhe. Të paktën 17 persona kanë humbur jetën si pasojë e kësaj ngjarjeje.

Shefi i Policisë, Ihor Klymenko deklaroi në një konferencë për mediat se nëntë nga të vdekurit ishin në bordin e helikopterit. Mjeti fluturues u përplas pranë një kopshti fëmijësh dhe një ndërtese banimi në periferinë lindore të Brovary.

Ajo që e bën tragjedinë akoma më të madhe është fakti se në mesin e 17 personave të vdekur ishin edhe Ministri i Brendshëm, zëvendësi i tij dhe një zyrtar tjetër i qeverisë së Zelenskyt.

Dy nga të vrarët në këtë aksident të rëndë ishin fëmijë. Sipas raportimeve të medieve, 22 persona janë shtruar në spital. Në këtë listë janë edhe 10 fëmijë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit