Një aksident tragjik është regjistruar në Padua, ku kanë mbetur 3 viktima, një grua dhe dy burra. Këta të fundit janë janë Martina Pagnin, 46 vjeçe jetonte në Legnaro dhe udhëtonte së bashku me Diego Rampazo, 46 vjeç, nga Sant'Angelo di Piove di Sacco dhe 45-vjeçari shqiptar Eduard Ndoj me banim në Pontelongo, shofer i mjetit.
Shqiptari me nofkën Giza, ishte i njohur për policinë për disa precedentë të lidhur me trafikun e drogës. Ai ishte i pasionuar pas motorëve dhe makinave me motor të madh. Mjeti 'Audi A6' në të cilin të tre viktimat gjetën vdekjen, është e njëjta makinë që ishte protagoniste e fotove dhe videove që Ndoj shpërndante në Facebook dhe Instagram, ndërsa postimi i fundit daton më pak se 24 orë para aksidentit në të cilin mbeti i vrarë.
