Mateo Lika është 26 vjeçari i cili nuk dihet ende se ku është, pas dy ditëve kërkim, teksa dyshohet se pas përplasjes me parmakët e urës në lumin Seman, mund ose të jetë larguar, ose të ketë rënë në lumë. RENEA ka kërkuar për gjetjen e të riut, por ende asnjë gjurmë.
Ajo që dihet është se i riu kishte 4 ditë që ishte kthyer nga Gjermania dhe kishte ardhur në Shqipëri tek familjarët e tij në Fier. Për të mundësuar kërkime më të plota u kërkua mbyllja e portave të Gramshit, që sjellin edhe uljen e prurjeve në lumin Seman, teksa kërkimet vijojnë por ende asnjë lajm pozitiv, ndërsa i riu ka telefonin e fikur.