Po i marrin pronën dhe po i shkelin me këmbë. Ky është halli i banorëve të Bërxullës, dy prej të cilëve sot hipën në shtyllën e tensionit të lartë dhe tentuan t’i japin fund jetës.
Fatmirësisht, falë negociatave dhe ndërhyrjeve të banorëve të tjerë, dy qytetarët zbritën dhe tashmë janë shëndoshë e mirë. Pasi ka zbritur nga shtylla e tensionit të lartë, i riu është takuar me babanë e tij, i cili ia ka bërë hallall që po mbron pronën e tij me gjak.
“Hallall bab, mbroje me gjak pronën tonë”, ka thënë ai.
Kujtojmë se banorët protestojnë kundër rrugës dhe kompanisë GENER 2 të Bashkim Ulajt, që ka nisur punimet pa njoftuar qytetarët.
Banorët kërkojnë dëmshpërblim me çmimin e tregut për tokat e tyre që preken nga ndërtimi i rrugës, pasi janë rreth 200 banorë të Fushë-Prezës dhe Bërxullës, të cilët preken nga shkatërrimi i pronave dhe tokave bujqësore.
