Një ngjarje e rëndë ka ndodhur një qendër rehabilitimi në Larisa, Greqi. Në këtë institucion është gjetur pa shenja jete një 22-vjeçar shqiptar. I riu nga Shqipëria u paralizua pasi u zhyt në det dhe prej korrikut të 2022 u shtrua në spital pas operacioneve, ndërsa nga viti i kaluar e deri mbrëmë në orën 10, kur ndërroi dhe jetë, ka qenë i shtruar në qendrën e rehabilitimit ku dhe vdiq.
Sipas dëshmitarëve, 22-vjeçari shqiptar u plagos rëndë teksa po zhytej në det në korrik të vitit 2022, si pasojë e të cilit mbeti i paralizuar në të gjithë trupin, pavarësisht operacioneve që iu nënshtrua në një spital të Selanikut. Shqiptari u gjet pa ndjenja nga stafi i infermierëve të qendrës dhe me gjithë përpjekjet e mjekëve ai nuk arriti të mbijetonte. Policia ka nisur hetimet lidhur me ngjarjen.