Dy shqiptarë janë arrestuar në Belgjikë pasi ishin të përfshirë në grabitje e ndodhura në zona të ndryshme.
Mediat e huaja shkruajnë se autorët kanë tentuar arratisjen dhe për këtë arsye policia ka angazhuar helikopterin për t’i kapur.
Sakaq dy prej tyre janë arrestuar, ndërsa i treti ka mundur të largohet.
Fillimisht operacioni u krye nga policia në rrugë tokësore dhe në momentin që u kërkuan të ndalonin, autorët janë larguar me shpejtësi me makinë duke u përplasur edhe me automjetin e policisë.
Ndërkohë operacionit iu bashkua menjëherë edhe një helikopter i policisë federale dhe në fund arritën të arrestonin dy prej tyre.
“Të dyshuarit vinin nga Shqipëria dhe makinën e tyre e kishin me targa holandeze, gjetëm objekte që lidhen me vjedhje të ndryshme në rajonin Herent dhe Kortenberg”, kanë sqaruar autoritetet.