Shkatërrohet grupi i trafikut të drogës në Korfuz, ‘kapo’ ishte një shqiptar

Shkruar nga: A Koci | Publikuar më: 14.01.2023, 15:14

Një grup i strukturuar trafikantësh të lëndëve narkotike ka rënë në pranga. Bëhet fjalë për një grup prej 8 personash të arrestuar nga Policia e Korfuzit. Grupi dyshohet se drejtohej nga dy persona, një prej të cilëve mendohet se është shqiptar dhe tjetri një i burgosur "vip" në Greqi.

Këtij grupi në 2 korrik 2021 i janë sekuestruar 3.6 kg marijuanë, në 1 qershor 2022 i janë sekuestruar 2.8 kg marijuanë, në 29 qershor 2022 i janë sekuestruar 4.7 kg marijuanë, në 1 shtator 2022 i janë sekuestruar 4.4 kg marijuanë dhe në 27 tetor i janë sekuestruar 3.4 kg marijuanë.

Aktiviteti kriminal i këtij grupi mendohet se funksiononte duke dërguar drogë nga Shqipëria drejt Korfuzit e më pas shpërndahej drej teritorit të Greqisë. Gjatë kontrolleve të policisë janë gjetur dhe sekuestruar 567 gram marijuanë, 2 peshore elektronike, 3970 euro, 1 motorr, 1 makinë, dhe 6 celularë.

Sasia totale e marijuanës së trafikuar, nga aktiviteti kriminal i grupit në periudhën në shqyrtim, nga korriku 2021 deri në asgjësimin e tij, arrin në të paktën 30 kilogramë, nga të cilat 19 kilogramë janë konfiskuar ndërsa përfitimi financiar total llogaritet të kalojë 180.000 euro.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit