“Punët vaj në Gramsh”/ Policët ja marrin isos polifonike në festën e 110-vjetorit

Shkruar nga: A Koci | Publikuar më: 13.01.2023, 19:31

Data 13 janar e vitit 2023, shënoi 110-vjetorin e krijimit të institucionit të policisë në Shqipëri. Kjo ditë padyshim që ka një rendësi të madhe, pasi çdo shtet nuk mund të funksionojë pa sigurinë e rendit publik. Festa është shoqëruar me ceremoni zyrtare si dhe takime të ndryshme kolektive. Më së shumti duket se festa është shijuar në Gramsh.

Të akomoduar në një restorant, efektivët e policisë ja kanë marr këngës me iso. Më të vjetrit në moshë, por edhe në profesion, kanë performuar me këngët tradicionale të zonës të cilat këndohen me rastin e dasmave, apo gëzimeve familjare.

Si duket punët janë "vaj" në Gramsh, aq sa efektivët e kanë shijuar në maksimum festën. Me këtë rast urojmë që përveç këngëve polifonike, efektivët e rinj të policisë, të trashëgojnë nga të vjetrit edhe guximin që përballë krimit dhe korrupsionit të mos mbyllin sytë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit