Tashmë varianti i ri i covid, XBB 1.5 i njohur si "Kraken" është zbuluar edhe në Greqinë fqinje. Deri më tani janë identifikuar gjashtë raste. Konkretisht, tre incidente u zbuluan javën e kaluar, por tashmë raportohet se kanë lidhje me variantin në fjalë dhe sot po shtohen edhe tre të reja.
Shkencëtarët mbeten të shqetësuar për nënvariantin e ri Omicron XBB.1.5 "Kraken" të koronavirusit SARS-CoV-2, duke qenë se ai konsiderohet aq ngjitës sa rreziku i transmetimit është i lartë, edhe tek ata që tashmë janë të infektuar dhe të vaksinuar plotësisht.
Organizata Botërore e Shëndetësisë (OBSH) deklaroi se XBB.1.5 është "nënvarianti më ngjitës i identifikuar deri më tani". Është një version i mutuar i Omicron XBB, i cili u vu re për herë të parë në Indi gushtin e kaluar.
