Një anije peshkimi ka pësuar avari gjatë natës në veri të derdhjes të lumit Seman. Mësohet se në orën 02:50, anija e peshkimit tip fllug me emrin MAKAJ 0624, me 3 persona në bord ka pësuar avari në sistemin elektrik të motorit. Duke mos mundur të lundrojë, anijes i është fikur motori dhe personat në bord kanë kërkuar ndihmë.
Anija e peshkimit ishte nisur nga port ii Vlorës për në Shëngjin. Aktualisht mjeti po lundron drejt Triportit të Vlorës dhe anëtarët e bordit janë të sigurtë.