Një bastisje e befasishme në qelitë e burgjeve të Domokos është kryer mëngjesin e ditës së sotme, nga oficerët e policisë së Departamentit të Grabitjeve të Sigurimit të Atikës. Kjo ndërhyrje erdhi pas informacioneve se në qelitë e të burgosurve kishte pajisje celulare dhe armë të improvizuara.
Gjatë bastisjes janë gjetur dhe konfiskuar telefona celularë dhe thika të improvizuara. Në të njëjtën kohë edhe pse janë të burgosur, ndaj tyre do të ngrihet një tjetër akuzë, përfshirë edhe Alket Rizain.
Kontrolli policor është kryer në shtatë qeli nga gjithsej 17 të burgosur, në Qendrën e Paraburgimit të Përgjithshëm Domokos në Fthiotidë.
Gjatë hetimeve janë gjetur dhe sekuestruar:
-7- kaçavida,
-2- thika,
shkop i përbërë nga tre pjesë të bashkuara dhe të lidhura me copa
-5- celularë me karta SIM,
-8- karikues dhe 3 kabllo të tipit USB,
-17- USB,
orë inteligjente me karikues,
3 pirunë metalikë dhe pjesë të pirunit metalik,
kufje me tela dhe pa tela,
brisk dhe brisk i improvizuar i përshtatur me një kashtë druri,
copë pleksiglas dhe shpatull metalike.
Një hetim paraprak po kryhet nga Nëndrejtoria e Sigurisë Lamia.
