Një makinë ka përfunduar në lumin Shkumbin mesditën e kësaj të marte. Ngjarja ka ndodhur në vendin e quajtur Ura e Murrashit, si pasojë e kushteve të motit dhe pakujdesisë.
Në momentin e aksidentit në automjet ka qenë vetëm shoferi. Ai është dëmtuar lehtë dhe fatmirësisht ndodhet jashtë rrezikut për jetën. Dyshohet se drejtuesi i mjetit po udhetonte me shpejtësi pasi në vendin e ngjarjes janë gjetur gjurmë të forta frenuesi si dhe janë dëmtuar barrierat mbrojtëse.
Elbasan/Informacion paraprak
Rreth orës 12:35, në aksin rrugor “Elbasan-Librazhd”, në vendin e quajtur "Ura e Murrashit", shtetasi A. Sh., 48 vjeç, banues në fshatin Xibrakë, Elbasan, duke drejtuar automjetin, ka humbur kontrollin dhe automjeti ka dalë nga rruga.
Për shkak të dëmtimeve të marra, 48-vjeçari është dërguar për ndihmë mjekësore, në spitalin e Librazhdit.
Grupit hetimor ndodhet në vendngjarje dhe po punon për zbardhjen e shkakut të aksidentit.