Analisti amerikan kritikë për ‘Ballkanin e Hapur’: Vuçiç po vepron njësoj si presidenti rus

Shkruar nga: S Shtjefni | Publikuar më: 10.01.2023, 12:09

Nisma e “Ballkanit të Hapur” është një temë që po diskutohet nga shumë figura të njohur, të cilët disa e konsiderojnë si nismë me konkluzione pozitive e disa të tjerë tregohen skeptikë dhe kundër. Adward Joseph, ka mbajtur disa qëndrime shumë të forta kundër nismës së Ballkanit të Hapur. Joseph ka deklaruar disa herë se Vuçiçi po vepron njësoj si presidenti rus, Vladimir Putin. Joseph tha se qetësia në Kosovë do të zgjasë derisa Vuçiçi të vendosë se i duhet një krizë e re. Sipas tij, presidenti serb po manipulon Shtetet e Bashkuara të Amerikës dhe Bashkimin Europian.

Gjatë një interviste në televizionin Prva, Aleksandar Vuçiç tha se Edward Joseph, pedagog në universitetin ‘Johns Hopkins’ dhe ish-kreu i misionit në Kosovë të Organizatës për Siguri dhe Bashkëpunim në Evropë – është një “bot shqiptar”. Pas akuzave të Vuçiçit, Joseph shkroi në Twitter se ato janë “krejtësisht të rreme” sa i përket lidhjeve të pretenduara financiare mes tij dhe “lobit shqiptar”.

“Aleksandër Vuçiç nuk ka dëshmi për t’i mbështetur këto akuza serioze sepse lidhje të tilla nuk ka dhe nuk ka pasur asnjëherë. Qëndrimet e mia janë produkt i dhjetëra viteve në terren në të gjitha konfliktet në Ballkan, përfshirë edhe vitet e luftës”, shkroi Joseph.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit