“Të dal unë, ty të nxjerrim me lekët që kemi”, zbulohet biseda mes pastrueses dhe djalit pas arrestimit

Shkruar nga: A Shehaj | Publikuar më: 08.01.2023, 22:53

Rozeta Dobi është arrestuar bashkë me djalin e saj Havier Dobi pasi kanë vjedhur më shumë se 500 mijë euro në banesën e Alda Klosit, drejtoreshë e ish-zv.kryeministrit Arben Ahmetaj.

Eksperti i kriminalistikës, Ervin Karamuço ka zbuluar se si pastruesja së bashku me të birin kanë treguar vetë se ku i kanë fshehur paratë e vjedhura. Ai thotë se pastruesja ka vjedhur në shtëpi të ndryshme të Tiranës, te VIP-at por edhe njerëz të thjeshtë.

Sipas ekspertit nënë e bir në ambientet e paraburgimit të Komisariatit kanë diskutuar me njëri-tjetrin për mbajtjen e fajit dhe se kush duhet të dalë nga burgu.

Minimalisht Spartak Dobi duhet të merret si deklarues aty, dhe pastaj pse jo të hetohet. Në shtëpi përveç parave dhe florinjve duhet të ketë dhe sende të tjera. Të gjitha këto duhet të ekspozohen. Ata mund të dënohen 3 deri në 15 vjet. Nga deklarimet që janë marrë dhe çfarë është fiksuar nga teknikat e përgjimit, nëna i thotë djalit rri ti në burg se do dal unë. Aty kanë filluar dyshimet sepse djali i thotë nënës rri ti se me aq sa kemi ne andej ta mbyllë dhe ty punën. Këtu është kuptuar se ka më shumë para se nga ato që janë gjetur. Përgjimi ka vijuar më pas, ku i thotë se paratë i kemi në shtëpi lart. Kjo e ka çuar policinë që të kontrollonte atje shtëpinë. Këto kanë qenë indiciet që e kanë çuar policinë atje.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit