Një aksident i rëndë ka ndodhur mbrëmjen e sotme në Maliq, Korçë. Mësohet se tek kryqëzimi i Libonikut një makinë ka përplasur një shtetas me biçikletë.
Drejtuesi i mjetit me iniciale A.D ka qenë nën efektin e alkoolit kur ka përplasur një 55-vjeçar me biçikletë. Ky i fundit është transportuar menjëherë në spitalin e Korçë për ndihmë mjekësore por ende nuk dihet gjendja e tij shëndetësore.
Vlen të thuhet se ky aks është tepër problematik si për drejtuesit e mjeteve ashtu edhe këmbësorët apo edhe ata me biçikleta. Aksidentet, në shumicën e rasteve fatale sa vijnë e shtohen në këtë aks.