Sot u bë e ditur se Enver Sheshi 59-vjeçari i arrestuar për inceneratorin e Fierit ka ndërruar jetë në urgjencën e spitalit të QSUT. I akuzuar për veprën penale “Krijimi i skemave mashtruese në lidhje me tatimin mbi vlerën e shtuar”, Sheshi dyshohet se vdiq nga arresti kardiak. Ndërkohë të afërmit e tij do të bëjnë kallëzim penal ndaj prokurorëve dhe Gjykatësve për vrasje me dashje, kjo pasi Shehi kishte bërë disa herë kërkesë për të ndryshuar masën e sigurisë arrest me burg.
Sheshi, ndodhej në burgun 313 dhe mendohet se si pasojë e infarktit, ndërroi jetë një orë pasi mbërriti në urgjencën e QSUT, ndërsa më herët ka qenë i arrestuar për mashtrimin me TVSH dënimin e së cilës e kishte kryer më herët. Sheshi doli nga ambientet e burgut rreth orës 16:15 dhe ndërroi jetë një orë më vonë në urgjencë. Aktualisht po bëhet ekspertiza dhe pritet një tjetër njoftim. Sot është njoftuar edhe ceremonia e varrimit për Sheshin në lagjen ku banonte.
