Një nxënës në SHBA ka qëlluar më armë një mësuese në një shkollë në Virxhinia, SHBA. Ngjarja e paprecedentë ndodhi dje në shkollën fillore Ritschnek. Nuk dihen ende rrethanat sesi arma ka përfunduar në duart e 6-vjeçarit.
Gjithsesi, autoritetet besojnë se ngjarja nuk është aksidentale, teksa fatmirësisht nuk raportohet për të lënduar të tjerë. Mësuesja 30-vjeçare është dërguar e plagosur rëndë në spital, teksa ende nuk e ka kaluar rrezikun për jetën.
Drejtuesit thanë se shkolla me 550 nxënës kishte pajisje për zbulimin e metaleve që nxënësit mund të mbanin. Gjithsesi, kontrollet nuk u bënë për të gjithë, por në mënyrë të rastësishme dhe 6-vjeçari në fjalë duket se i ka shpëtuar pajisjes detektuese.
Policia nuk e ka emërtuar saktësisht armën e zjarrit, por tha se djali ka përdorur një pistoletë. Shefi i distriktit të shkollës, Dr George Parker tha se zyrtarët do të shikojnë çdo rast që mund të ketë ndodhur që mund të ketë shkaktuar këtë incident. “Kjo është e tmerrshme, diçka e tillë nuk duhet të ndodhë kurrë”, shtoi Dr Parker.