Përhapja e flakëve së bashku me tymin e madh, janë shkaku që 17-vjeçari Ledjan Imeri ka humbur jetën në qendrën e të miturve në Itali natën e ndërrimit të viteve.
Në autopsinë e kryer nga mjeku ligjor Carlo Moreschi thuhet se shqiptari i mitur humbi jetën në Pasian di Prato pas flakëve të zjarrit dhe tymit që përfshiu ndërtesën.
Karabinierët e Compagnia di Udine kanë intervistuar tashmë fëmijët dhe përgjegjësin e pranishëm në momentin e zjarrit dhe kanë marrë të gjithë dokumentacionin në lidhje me qendrën për të mitur nga Bashkia, përfshirë autorizimin për të funksionuar. Me rëndësi thelbësore për hetimet do të jetë vlerësimi i ndërtesës në via Campoformido, që i është besuar inxhinieres Federica Angeli.
Hetimet vazhdojnë, ndërsa përgjegjësi 44-vjeçar, i cili ndodhet në spital mund të japë detaje që do të çojnë në zbardhjen e vërtetë të ngjarjes.