Vrasja e kuksianit në Prizren/ Policia bastis lokalin e “King Kobrës”, në një shtëpi gjen fishekë dhe granatë dore

Shkruar nga: A Shehaj | Publikuar më: 05.01.2023, 18:51

Dibran Hoxhaj ose siç njihet ndryshe "King Kobra" është në burg pasi akuzohet për vrasjen e kuksianit Visart Cengu para pak ditësh. Ngjarja e rëndë ka ndodhur në parkingun e lokalit në Prizren, në pronësi të Hoxhajt dhe policia ka kryer sërish kontrolle atje.

Drejtoria e Krimeve të Rënda bashkë me Drejtorinë Rajonale të Policisë në Prizren kanë zbarkuar dhe bastistur disa banesa dhe biznese në pronësi të "King Kobra" dhe mes tyre edhe lokalin ku ndodhi vrasja e të riut nga Kukësi dhe plagosjes së mikut të tij. Zëdhënësi i Policisë në Prizren, Shaqir Bytyqi duke folur për mediat ka treguar gjatë kontrolleve janë sekuestruar edhe prova të vlefshme ndërkohë që janë gjetur në shtëpinë e një prej të dyshuarve edhe një granatë dore dhe fishekë.

Sot gjatë ditës Drejtoria e Krimeve të Rënda në bashkëpunim me Drejtorinë Rajonale të Policisë në Prizren kanë vazhduar bastisjet në tri lokacione, derisa është bastis edhe lokali “Kobra City”. Gjatë këtyre bastisjeve janë sekuestruar disa gjëra, që mund të përdoren si prova.

Deri më tani të akuzuar për vrasjen e 31-vjeçarit Visart Cengu janë Dibran Hoxhaj(King Kobra) Arben Vezaj, Burim Mazreku, Jesmir Badalli, Kujtim Gashi dhe Enver Amrallahi.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit