Sulmuesi i Kombëtares, Eros Grezda i ka dhënë fund beqarisë. 27-vjeçari i cili aktualisht luan për klubin e Manisas në Turqi ka kurorëzuar lidhjen e tij të dashurisë me këngëtaren Ajsel Abazi.
Vetë Grezda pak ditë më parë, në një postim për Vitin e Ri, iu referua vetes dhe të dashurës me etiketimin "Zoti dhe Zonja Grezda" por pa dhënë shumë shpjegime.
Këto të fundit i ka dhënë partnerja e tij në InstaStory ku iu është përgjigjur pyetjeve të ndjekësve. Ajo ka treguar unazën e martesës dhe ka treguar se ata tani jetojnë bashkë në Izmir ndërsa festat i kanë kaluar në Gjakovë pranë familjes së Grezdës.