Një zjarr i madh ka alarmuar Elbasanin, teksa një shtëllungë e madhe tymi të zi ka pushtuar një pjesë të madhe të qytetit në këtë paradite.
Mësohet se ka rënë zjarr dhe është djegur thuajse tërësisht një fabrikë sfungjerësh në lagjen Katund i Ri, teksa ende nuk dihen shkaqet e kësaj ngjarjeje.
Kemi të bëjmë me një zjarr me përmasa të mëdha, teksa disa ekipe zjarrfikësesh kanë mbërritur në vendngjarje për të vënë flakët në kontroll.
Fatmirësisht nuk raportohet për viktima dhe besohet se të gjithë punonjësit e fabrikës kanë arritur të dalin jashtë fabrikës, duke evituar çdo rrezik të mundshëm.
