Uebsajti i ushtrisë së Serbisë është hakuar nga grupi i hakerave, Anonymous. Nëpërmjet një postimi në Twitter, Anonymous i ka dërguar mesazh presidentit serb, Aleksandar Vuçiç, duke e quajtur fashist.
“Web-faqja e Ushtrisë serbe është thyer. Fashisti Aleksandar, mos e humb kohën me qentë e tu. Ushtria juaj nuk mund të lehë tani. Mos e nënvlerësoni as Anonymous, ne do t’ju vendosim zinxhirin”, shkruhet në mesazhin e tyre.
Në një tjetër postim, ku nuk mund të mungonte flamuri shqiptar, grupi i njohur i hakerave shkruan se po punon për të thyer akoma më shumë uebsajte dhe për të nxjerrë sekrete të qeverisë serbe. E gjithë kjo ndodh pas tensioneve në veri të Kosovës.
“#Anonymous ka lançuar #OpSerbia Duke marrë uebsajte të shumta qeveritare ditët e fundit. Synimi është infrastruktura qeveritare. Presidenti serb Aleksandar Vuçiç dëshiron një luftë, atëherë një luftë po vjen në rrugën e tij”, shkruajnë Anonymous .