Mbretëria e Bashkuar ishte ëndrra që shumë shqiptarë tentuan ta prekin, shumë dëshirojnë ende ta prekin, kjo për shkak se vendi ynë si rezultat i politikave të këqija i ka detyruar ata të largohen në kërkim të një jete më të mirë.
Disa rrezikojnë jetën në varka duke ksluar nga Franca përmes kanalit Anglez, e ndërsa disa të tjerë marrin borxhe që të kenë mundësi të paguajnë kamionin, me shpresën se sapo të kalojnë në tokën britanike do të punojnë e do t’i lajnë.
BBC shkruan se në 12 muaj, nga shtatori 2021 deri në shtator 2022, numri më i lartë i azilkërkuesve në Britani ishte nga Shqipëria, me më shumë se 15,000.
Kryeministri Rishi Sunak e ka quajtur këtë një "vend të sigurt" dhe ka njoftuar disa masa si përpjekje për të ulur këto shifra.
Grupi i dytë më i madh, me pothuajse 11,000, ishte nga Irani, i ndjekur nga Iraku, Afganistani dhe Siria.