Policia italiane ka arrestuar një 20-vjeçar shqiptar pasi iu gjet drogë në makinë. I riu drejtonte makinën pa patentë, teksa kontrolli erdhi pasi disa qytetarë raportuan për një makinë që kishte dalë nga rruga në Fidenza dhe ishte përplasur me një shtyllë.
Shqiptari që shoqërohej nga një tjetër person, braktisi mjetin në të cilin policia gjeti kokainë. Brenda automjetit kishte drogë dhe kjo bëri që policët të thellonin hetimin dhe të kontrollonin një dhomë hoteli, çelësin e së cilës e kishte në xhep. Në dhomë, u gjetën dhe u sekuestruan një pistoletë, disa fishekë dhe gati 50 gramë hashash dhe kokainë, si dhe materiale të dobishme për ambalazhim.
