Dhjetra ushtarë rusë u vranë në një sulm me raketa ukrainase në natën e Vitit të Ri në zonat e kontrolluara nga forcat ruse në rajonin e Donetskut të Ukrainës.
Lajmin e bëri të ditur sot një burim i afërt me udhëheqjen e administratës pushtuese ruse, ndërsa Ministria ruse e Mbrojtjes tha se ekzaktësisht 63 ushtarakë rusë vdiqën në incident.
Pamjet e postuara tregojnë një ndërtesë që shërbente si shkollë profesionale në qytetin minerar Makiivka, e cila është kthyer në një fushë rrënojash.
Burimi në administratën pushtuese të Donetskut, i cili nuk pranoi të identifikohet tha: "Sipas informacioneve të mia, ka më pak se 100 të vdekur deri më tani".
Ndërsa Ministria e Mbrojtjes e Ukrainës tha se deri në 400 rusë u vranë.
“Ajo që përmendet janë vlerësime të fryra. Pesëdhjetë e tetë të plagosur u transportuan gjatë natës, që është shumë për një ditë normale dhe jo shumë nëse besoni raportet për qindra të vdekur. Ishte një vend për rekrutimin e rekrutëve rusë”, thuhet në deklaratë.