Avokati i Popullit konfirmon fillimin e hetimeve për vrasjen e Hamide Magashit

Shkruar nga: B Hasi | Publikuar më: 22.12.2022, 13:43

Avokati i Popullit, Naim Qelaj në konferencën e fundit me gazetarët ka konfirmuar se kanë filluar hetimet për rastin e vrajës së Hamide Magashit, gruas shtatzënë në oborrin e QKUK-së.

Ai më tej ka bërë të ditur se pas hetimeve do të bëjnë publik një raport të detajuar.

“Më duhet të i’u informojë ju dhe publikun se ne kemi filluar hetimin për rastin e vrasjes në QKUK. Pas përfundimit të hetimit do të dalim me një raport me rekomandime”.

Ai më pas ka shtuar se rekomandimet e tyre janë plotësuar për 22.9% nga institucionet.

Sipas tij, në bazë të monitorimeve të bërë del se niveli i punësimit të personave me aftësi të kufizuar nuk është në përputhje me ligjin dhe se ata nuk janë të përfshirë sa duhet në arsim

“Në hyrje të kësaj konference, gjendja e të drejtave të njeriut ka progres. Rekomandimet e zbatuara plotësisht janë plotësuar 22.9%. Ekonomitë familjare janë ballafaquar me rritjen e çmimeve. 2022 e kemi filluar me planifikim në dy tema që kanë rëndësi të veçantë: tema e parë personat me aftësi të kufizuar dhe tema e dytë mbrojtja nga diskriminimi. Në kuadër të aftësisë së kufizuar kemi organizuar takime me qytetarë me një fushatë të quajtur Barazi për të gjithë’”.

“Niveli i punësimit të personave me aftësi të kufizuar nuk është në përputhje me ligjin. Mungesa e strehimoreve për këta persona e vështirëson situatën. Kemi marrë shumë ankesa për trajtime jo të përshtatshme mjekësore për këta persona. Personat me aftësi të kufizuar nuk kanë gjithëpërfshirje në arsim. Të drejtat për punësim dhe zbatimin e ligjit për punësim do ta trajtojmë me theks të veçantë. Është një lajm i mirë nisma e Qeverisë për ndryshimin e Kushtetutës në përputhje më Konventën”.

Rëndësi të veçantë ai tha se do t’i kushtojnë të drejtave të grave, duke shtuar se shteti ka përgjegjësi t’i mbrojë viktimat, raporton EO.

Ai më pas tha se në opinion ka pasur shumë ankesa sa i përket rasteve të krimeve të luftës.

“Sa i përket aspektit gjinor dhe pozitës së gruas Avokati i Popullit do të punojë në theks të veçantë. Të dhënat statistikore na tregojnë se jemi shumë keq në aspektin e pronës së gruas. Këtë vit kemi rekomanduar gjithëpërfshirje të komuniteteve jo shumicë. Kemi reaguar në rastin kur disa fëmijë të komunitetit romë, ashkali dhe egjiptian ishin anashkaluar në një organizim të një shkollë në Pejë”.

“Këtë vit bashkë më Shoqërinë Civile kemi formuar një forum me emrin Shoqëria Civile me Avokatin e Popullit. Shpresoj që institucionet ta njohin të drejtën e martesave me gjini të njëjtë. Vitin tjetër do të dalë edhe raporti mbi Gjuhën e Urrejtjes. Mungon koordinimi mes autoriteteve reaguese, për me qenë më i saktë Policia, Prokuroria dhe Gjykatat. Shteti ka përgjegjësi dhe detyrë me i mbrojtur viktimat. Të drejtat e njeriut janë bazike, duhet ta dinë qytetarët. Në fakt në institucion ka pasë shumë pak ankesa dhe kërkesa për çështjen e krimeve të luftës”.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
PERSONAZHI I VITIT
KLIKO PËR TË VOTUAR
  • Anri Kashiku
    Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
    Granit Xhaka
    Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
    Marin Mema
    Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
    Elvis Naçi
    Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
    Luiza Gega
    Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
    Robert Neçaj
    Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
    Kevin Qoku
    Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
    Fogerti
    Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
    Aleks Vishaj
    Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
    Rabie Koçi
    Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
    Nënë Fatimeja
    Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
Më të Lexuarat
Shkarkoni aplikacionin JOQ ALBANIA në platformat
Më të fundit