Adrian Gurma i Sarandës “ftohet në tajare”, 700 milionë për rregullimin e një shkolle

Shkruar nga: M Gjini | Publikuar më: 21.12.2022, 22:30

Fushata zgjedhore po afron dhe qokat kanë filluar tashmë në të gjitha bashkitë e vendit. Natyrisht nuk kishte si të qëndronte jashtë kësaj “loje” as bashkia Sarandë e drejtuar nga kryetari i saj Adrian Gurma.

Por duket se bashkitë e rretheve nuk duan t’ia dinë shumë për të bërë tendera që të mos bien shumë në sy si të dyshimtë, dhe i bien për shkurt pa e vrarë mendjen fare. Kështu tenderi që do të shikoni në vijim i realizuar nga kjo bashki, është kryekëput i dyshimtë.

Rezulton se Guma do të harxhojë plot 700 milionë lekë të vjetra me TVSH vetëm për rikonstruksionin e një shkolle. Bëhet fjalë për tenderin me numër reference REF-43901-09-29-2022 dhe me objekt “Rikonstruksion, Shkolla 9-vjecare "Adem Sheme", Sarande”.

Fondi limit i tij është llogaritur 59,595,833 lekë të reja pa TVSH ose rreth 700 milionë lekë të vjetra me TVSH. Duke parë ndërkohë dokumentat e kësaj procedure shikohet se në të kanë marrë pjesë vetëm 3 kompani, dy nga të cilat kanë ofruar vlera thuajse të njëjta, një fakt ky tepër i dyshimtë në rastin kur fituesi është i paracaktuar që përpara realizimit të garës.

Nga ana tjetër fituese është shpallur firma VALONA KONSTRUKSION në pronësi të Bujar Lulaj për vlerën 59,085,588 lekë të reja pa TVSH ose gati 700 milionë lekë të vjetra me TVSH. Rezulton se një tjetër firmë pjesëmarrëse ka ofruar gati 50 milionë lekë të vjetra me TVSH më pak sesa fituesja e megjithatë nuk është marrë në konsideratë.

Si qershi mbi tortë ndërkohë qëndron fakti se vlera fituese është sa 99.14% e vlerës së fondit limit, çka ngre dyshime të forta se kemi të bëjmë me një fitues të paracaktuar.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
PERSONAZHI I VITIT
KLIKO PËR TË VOTUAR
  • Anri Kashiku
    Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
    Granit Xhaka
    Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
    Marin Mema
    Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
    Elvis Naçi
    Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
    Luiza Gega
    Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
    Robert Neçaj
    Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
    Kevin Qoku
    Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
    Fogerti
    Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
    Aleks Vishaj
    Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
    Rabie Koçi
    Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
    Nënë Fatimeja
    Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
Më të Lexuarat
Shkarkoni aplikacionin JOQ ALBANIA në platformat
Më të fundit