Vrasja e dy shqiptarëve në Greqi, flet 31-vjeçarja që mbeti e plagosur një tavolinë më tutje

Shkruar nga: Bardh Kodheli | Publikuar më: 20.12.2022, 09:54

Në vrasjen e Kreshnik Çerçizajt, 41 vjeç dhe Armando Organjës, 44 vjeç në një lokal në sheshin Nea Zmirni në Athinë të Greqisë, mbeti e plagosur edhe një vajzë në pjesën e këmbës. Fatmirësisht ajo është në gjendje të mirë shëndetësore dhe jashtë rrezikut për jetën.

Atentati i agresorit, identiteti i të cilit nuk dihet ende, ndodhi gjatë orarit kur luhej ndeshja Argjentinë-Francë për finalen e Kupës së Botës. 31-vjeçarja u plagos nga plumbat “qorr” të autorit, i cili qëlloi me breshëri pistolete në drejtim të dy viktimave.

E reja ka folur për “Protothema”, ku ka treguar tmerrin e atyre momenteve dhe veprimet e saj që dukeshin të parëndësishme, por në fund rezultuan t’i kishin shpëtuar jetën. Ajo tregon se ndodhej në tavolinën mbrapa Çerçizajt dhe Ogrenjës.

“Isha me motrën time në lokal, pikërisht pas tavolinës ku ishin ulur dy burrat, të cilët kanë vdekur. Ishim në këmbë dhe po flisnim me pronarin e lokalit. Isha kthyer me kurriz dhe nuk e pashë sulmuesin kur hyri. Kam dëgjuar të shtënat dhe kam parë panikun në sytë e të gjithëve.

Në fillim, nuk e kuptova se isha plagosur derisa pashë gjakun. Disa sekonda para se sulmuesi të hynte në dyqan, unë dhe motra ime ndërruam vendet. Përndryshe ajo do të ishte në pozicionin tim tani dhe për fat ne ishim në këmbë, përndryshe plumbi do të më kishte goditur në kokë”, ka thënë 31-vjeçarja.

Ndërkohë, policia e Greqisë vijon hetimet, teksa ka sekuestruar pamjet e kamerave të sigurisë së lokalit ku ndodhi ngjarja dhe raportohet se kërkimet janë përqendruar në mafian shqiptare në Greqi. Sipas medieve greke, bëhet fjalë për një vrasës profesionist dhe me një eksperiencë të madhe.

Kjo vihet re nga përdorimi gati perfekt i pistoletës dhe me shumë mundësi ai është përfshirë edhe në atentate të tjera. Pra, të gjitha këto fakte të çojnë te vrasësi me pagesë. Mediet greke raportojnë se objektivi kryesor ka qenë Çerçizaj, pasi ai ishte i përfshirë në grupet mafioze, ndryshe nga Ogrenja, që rezulton person pa precedentë në Greqi.

Çerçizaj është dënuar për kontrabandë, drogë dhe grabitje në vendin fqinj. Mediat greke raportojnë gjithashtu se për këtë vrasje, hetuesit po shqyrtojnë mundësinë që të ketë lidhje me ekzekutimin e Edmond Papajt pesë ditë më parë në zonën e Selitës në Tiranë. Papaj ka qenë i dënuar për trafik droge në Greqi.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
PERSONAZHI I VITIT
KLIKO PËR TË VOTUAR
  • Anri Kashiku
    Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
    Granit Xhaka
    Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
    Marin Mema
    Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
    Elvis Naçi
    Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
    Luiza Gega
    Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
    Robert Neçaj
    Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
    Kevin Qoku
    Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
    Fogerti
    Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
    Aleks Vishaj
    Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
    Rabie Koçi
    Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
    Nënë Fatimeja
    Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.
Më të Lexuarat
Shkarkoni aplikacionin JOQ ALBANIA në platformat
Më të fundit