E mbani mend nënë Lefkon? Atë zonjën 80-vjeçare nga Narta e Vlorës që u shoqërua me dhunë në Komisariat dhe po bredh gjyqeve se ndërtoi në kotec pulash?! Për atë ligji u zbatua në masën e tij më të rreptë, njësoj si ligji në dorën e Maliqit te filmi ‘14-vjeç dhëndër’. Por ligji në dorën e Ramës e Ballukut duket se po përkëdhelë Kompaninë ‘Gener 2’.
Kjo kompani filloi punimet në aksin rrugor Thumanë – Kashar, ende pa marrë lejen e zhvillimit. Kjo u vërtetua nga një mbledhje e Këshillit Kombëtar të Territorit, të datës 14 Dhjetor, ku është shënuar pajisja me leje zhvillimi e kompanisë koncesionare “Gener 2”.
Sipas banorëve, punimet kanë filluar të paktën që prej datës 20 nëntor, pa pasur asnjë dokument që i lejon kompanisë fillimin e ndërtimit të këtij aksi rrugor. Pra dyshohet se për të paktën 3 javë, fadromat e kompanisë Gener 2 kanë punuar pa asnjë leje zhvillimi apo zbatimi të projektit.
Për kompaninë në fjalë nuk është marr asnjë masë administrative. Banorët e fshatit Bërxullë prej më shumë se një muaji po protestojnë nën argumentin se firma e ndërtimit ka devijuar projektin fillestar, madje ka shkuar edhe më tej duke bllokuar kolektorët e shkarkimit, duke bërë që disa hektarë tokë të përmbyten.
Gjithashtu banorët shprehin shqetësimin se vlera e tokës së tyre po minimizohet dhe kompensimi që marrin nga shpronësimi është larg vlerës reale të tokës.
Kontrata koncesionare për aksin Thumanë Kashar kap shifrën e 245 milionë eurosh. Krahas kësaj, qytetarët do të paguajnë edhe taksë për kalimin me makinë në këtë aks rrugor, nga e cila është parashikuar të mblidhen mbi 1.3 miliardë euro gjate 35 viteve të koncesionit.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
PERSONAZHI I VITIT
KLIKO PËR TË VOTUAR
Anri Kashiku
Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
Granit Xhaka
Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
Marin Mema
Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
Elvis Naçi
Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
Luiza Gega
Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
Robert Neçaj
Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
Kevin Qoku
Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
Fogerti
Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
Aleks Vishaj
Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
Rabie Koçi
Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Nënë Fatimeja
Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.