Është zbardhur së fundmi edhe skema e çuditshme e shitjes së apartamenteve në projektin Durrës Yachts & Marina, ku siç dihet qeveria ka falur truallin dhe ka përjashtuar nga taksat kompaninë zhvilluese. Së fundmi ka dalë edhe kontrata e shitjes së apartamenteve, që ka nisur ende pa u bërë shpronësimet.
Nga marrëveshja e prenotimit bëhet me dije se investitori kërkon të mbledhë një shumë të madhe parash ende pa hapur gropat e ndërtesave. Sipas kontratës, 20% e vlerës së apartamentit të prenotuar do të duhet të paguhet brenda 5 ditëve nga data e nënshkrimit të marrëveshjes paraprake.
20%-shi tjetër parashikohet të paguhet 3-6 muaj nga data e dhënies së lejes së ndërtimit. Pjesa tjetër, që përkon me 60% do të paguhet gradualisht me ecurinë e ndërtimit të apartamenteve. Por ka një problem. Edhe pse ti ke prenotuar një apartament, nuk e di vendndodhjen e tij, pasi në marrëveshje nuk të jepet garancia se do ta kesh apartamentin sipas vendndodhjes së prenotuar.
Më 8 dhjetor kompania “Eagle Hills Real Estate Development” hapi shitjet e apartamenteve nëpërmjet kontratave të prenotimit, që iu shpërndanë të interesuarve. U njoftua se çmimet e apartamenteve në këtë fazë nisin nga 110 mijë euro, teksa madhësia maksimale e tyre do të jetë me përmasat 3+1.
Përveç pagesës së apartamentit blerësi duhet të paguajë 1200 euro për marrëveshjen prenotimit dhe 500 euro për garazhin. Kjo tarifë duhet të paguhet 24 orë nga nënshkrimi i marrëveshjes dhe 2 orë pas hapjes së shitjeve. E gjithë kjo përbën një skemë të rrezikshme, që mund të pasohet nga shumë mashtrime e pakënaqësi.
Të paktën shqiptarët, që e kanë pësuar prej vitesh që apartamenti i tyre të jetë shitur dy herë apo të ketë qenë shumë ndryshe nga ajo që i është premtuar, nuk do të ishin kurrsesi gati të paguanin gati gjysmën e vlerës në këtë fazë që është projekti. Durrës Yachts & Marina është shoqëruar me shumë polemika dhe dritë-hije, që shtohen çdo ditë e më shumë.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
PERSONAZHI I VITIT
KLIKO PËR TË VOTUAR
Anri Kashiku
Anri Kashiku është heroi, vetëm 18 vjeç, i cili humbi jetën në det, pasi u fut të shpëtonte vëllain dhe shokun e tij. Pasi arriti t’i shpëtonte këta, ai nuk mundi të dilte në breg, duke humbur jetën tragjikisht.
Granit Xhaka
Granit Xhaka ishte kryefjala e Botërorit në Katar, përsa i përket shqiptarëve, pasi futbollisti me origjinë shqiptare, që luan për Zvicrën, mbrojti mirë veten dhe origjinën e tij, në sfidën me Serbinë. Reagimi i tij në atë ndeshje u shpërnda, pothuajse nga të gjithë shqiptarët dhe fitorja e Zvicrës derdhi në rrugët e shumë qyteteteve të Europës mijëra shqiptarë.
Marin Mema
Marin Mema, gazetari patritot, i cili dita-ditës, jo vetëm raporton, por ‘lufton’ për të vërtetën e historisë shqiptare. Gjithashtu, ai është një nga emrat, që ka bërë shumë për të prekurit nga tërmeti.
Elvis Naçi
Elvis Naçi, imami bamirës, i cili çdo vit bën shumë më shumë për shqiptarët, duke i ardhur në ndihmë me fondacionin e tij. Finalizimi i banesave për të prekurit nga tërmeti në Thumanë, është vetëm një nga veprat e mira, por janë me qindra raste, për të cilat ai angazhohet personalisht për t’i ndihmuar.
Luiza Gega
Luiza Gega, atletja shqiptare, e cila krenoi gjithë kombin, duke u bërë kampione e Europës në garat e atletikës për 3 mijë metra. Pas garës ajo mbajti gjatë gjithë kohës flamurin kuqezi, duke i treguar Europës se Shqipëria ka potencial të madh.
Robert Neçaj
Robert Neçaj, roja bregdetare, i cili, pasi shpëtoi motër e vëlla, pati lëndime të rënda për veten. Ai qëndroi disa ditë në spital, për t’u rikuperuar.
Kevin Qoku
Kevin Qoku, 11-vjeçari, i cili sakrifikon fëmijërinë e tij, duke punuar sadopak për të siguruar para për librat e shkollës dhe familjen e tij. Kevin u zgjodh nga shqiptarët Heroi i Muajit Gusht, si heroi i vetvetes dhe familjes duke dhënë shembullin e sakrificës dhe punës së ndershme për të arritur qëllimet në jetë.
Fogerti
Fogerti, heroi i muajit Shtator, është djali që nxorri nga makina të aksidentuarin në zonën e Selitës, në Tiranë. Ai nuk u mendua dy herë për të hequr xhamin e përparmë dhe për të nxjerrë nga automjeti burrin, që kishte marrë goditje në kokë.
Aleks Vishaj
Aleks Vishaj, i riu emigrant, i cili u shpall heroi i muajit Tetor nga shqiptarët. Ai mblodhi më shumë se 300 mijë euro për të shpëtuar jetën e një 20-vjeçari shkodran, i cili ishte aksidentuar, ditë më parë me makinë. Vishaj ka qëndruar 33 orë zgjuar për të arritur këtë shifër nga dhuratat në Tik-Tok.
Rabie Koçi
Rabie Koçi, heroina e muajit Nëntor, zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Nënë Fatimeja
Nënë Fatimeja, heroina e muajit Dhjetor, e cila, pas humbjes së vajzës, ia dedikon jetën e saj përkujdesjes për qentë dhe macet e rrugës. Ajo ushqen dhe kujdeset per dhjetra qenë edhe mace. Pavarësisht, terrorit të policisë për t’i larguar nga banesa, ajo ende vazhdon të mbledhë ushqim për qentë dhe macet.