Partia politike Aleanca për shqiptarët u jep mbështetje transportuesve privat të cilët tashmë disa ditë po protestojnë me bllokadë të rrugëve në Shkup, duke kërkuar pagesë të borxhit që e kërkojnë nga Qyteti i Shkupit dhe NPQ. Sipas u.d. kryetar i Aleancës për shqiptarët, Arben Taravari, është e domosdoshme të gjendet zgjidhje për këtë problem.
Taravari konsideron se Qeveria duhet të angazhohet më seriozisht, sepse siç tha, bëhet fjalë për më shumë se 500 familje të cilët tashmë disa ditës protestojnë.
“Jemi të shqetësuar për gjendjen. Bëhet fjalë për mbi 500 familje të cilët tashmë disa ditë protestojnë me bllokim të rrugëve. Kjo nuk është zgjidhje. Është bllokuar kryeqyteti i shtetit. Më shqetëson ajo që kryetarja e qytetit nuk komunikon fare me ta, ndërkaq duhet të gjendet zgjidhje. Unë dakordohem me një propozim që e dhanë, eventualisht edhe t’i merren ingerencat dhe Qeveria të angazhohet pak më seriozisht në këtë drejtim. Nuk ka kuptim pesë muaj të mos paguhen dhe të vijë deri te kjo gjendje dhe të mos ulet dhe të bisedohet me ta”, deklaroi Taravari i cili sot u takua me transportuesit privat.
Ai theksoi se ndjen përgjegjësi për shkak se kanë pasur bashkëpunim me VMRO-DPMNE-në, parti e cila e mbështeti kandidaturën e Danella Arsovskës për kryetare të Qytetit. Shtoi se me Arsovskën nuk kanë komunikim që nga qershori i këtij viti.
“Sinqerisht edhe unë ndjej një lloj përgjegjësie sepse edhe ne kishim bashkëpunim me VMRO-DPMNE-në, ne nuk e njohim Arsovskën. Ajo ishte kandidate e pavarur që e mori mbështetjen e VMRO-DPMNE-së, ndërsa më pas na mbështeti në Çair, Tetovë, Gostivar dhe Strugë. Por, kjo që po ndodhë është katastrofike. Ajo tani është në koalicion publik apo të fshehtë me BDI-në, tashmë ka emëruar dy drejtorë nga BDI”, shtoi Taravari.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
