Ndeshja mes Holandës dhe Argjentinës ishte një sfidë shumë e nxehtë për sa i përket ndërhyrjeve, por edhe zënkave që futbollistët kishin në fushë, teksa latinët fituan me penallti, pas barazimit 2-2 në 120 minuta.
Sidomos në pjesën e dytë dhe në shtesë arbitri Lahoz ka dhënë një numër të madh kartonësh të verdhë, teksa tensioni ka zgjatur edhe pas ndeshjes. Tensionin e madh e ka shfaqur edhe Messi, i cili në të tilla raste është gjithnjë është i qetë.
Por këtë herë pas ndeshjes kapiteni dukej shumë i nxehur. Përveç incidentit në fushën e blertë, ai i ka bërtitur një tjetër personi gjatë një prononcimi direkt për mediat.
Sipas gazetës spanjolle “Marca”, 35-vjeçari i kishte ngulur një shikim kërcënues për disa sekonda përpara se t’i bërtiste me fjalë fyese Uout Ueighorst, sulmuesi i Holandës, që shënoi dhe dy golat për skuadrën e tij.
“Çfarë po shikon, budalla? Shiko punën tënde, budalla. Largohu”, u shpreh Mesi. Intervistuesi mbeti pa fjalë për disa sekonda dhe u përpoq të qetësonte kapitenin e Argjentinës, që tani nis të mendojë për ndeshjen gjysmëfinale ndaj Kroacisë.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.