Victor Patrascan është një komedian me origjinë nga Rumania i cili në shfaqjen e tij të fundit është tallur me shqiptarët.
Gjatë një shfaqje që ai po mbante në Antwerp, Belgjikë bashkëbisedimin me një shtetas shqiptar e ka kthyer në tallje dhe komente negative ndaj popullit tonë.
Një person nga publiku i tha se nuk duhet të thotë fjalë të këqija për shqiptarët pasi edhe vetë është i tillë. Por komediani nuk i mori për seriozisht fjalët e tij dhe nisi ta pyeste për kokainën, trafikun e njerëzve dhe drogave të tjera.
Pas këtyre komenteve shqiptari i kërkon që ta ndërpresë komunikimin me të, por komediani rumun nuk ndalet. Ai i përmend faktin se janë në Perëndim dhe se kanë të drejtë të flasin, por më pas e pyet shqiptarin se sa krime lufte ka bërë.
Një tjetër shqiptare i kërkon që të ndryshojnë temën e bisedës por komediani nuk pranon dhe sërish ngacmon shqiptarët për Shqipërinë. Madje komediani pyet publikun se kush është serb që të merret me shqiptarin.
Më poshtë një pjesë e bisedës mes tyre:
Komediani: Kemi disa ballkanas këtu.
Shqiptari: Mos fol keq për Shqipërinë dhe jemi në rregull.
Komediani: Mendoj që ti je shqiptar?
Shqiptari: Po
Komediani: Jam i sigurt se të gjithë duan të dinë “Sa do për kokainën”.
Shqiptari: Do flasim më vonë
Komediani: Si e ke emrin?
Shqiptari: Leiton
Komediani: Emër gallatë, duhet t’i përshëndesim të tjerët edhe pse janë shqiptarë. Pse ke ardhur në Belgjikë?
Shqiptari: Për pushime
Komediani: Je me pushime(publiku qesh) Je shqiptar dhe përballon pushimet në Belgjikë? O Zot! Çfarë trafikimi bën? Njerëz apo drogë?
Shqiptari: Boll, mos fol më me mua! Bëj punën tënde! Mos fol!
Komediani: O Zot ai mendon se është në Shqipëri!
Shqiptari: Mos fol më me mua, fol me të tjerët!
Komediani: Jemi në Perëndim këtu dhe kemi të drejtën e fjalës. Zotëri për çfarë krimesh lufte jeni akuzuar në Shqipëri.
Shqiptari: Stop, mos fol më!
Një tjetër shqiptare i kërkon komedianit që të ndryshojë temën por ai se bën këtë dhe vazhdon të ngacmojë shqiptarët.
Komediani: A kemi ndonjë serb që të merret me shqiptarin?
Shqiptari: Unë s’kam frikë nga askush, as nga serbi!
