A Një 23-vjeçar me probleme shëndetësore nga Trikala, në Greqi, denoncon një prift, i cili akuzohet për mbledhje fondesh false, nxjerrje mijëra euro përmes tyre, për tortura dhe shantazh psikologjik.
I riu duke folur për trikalaneës.gr ka deklaruar se kleriku ka ushtruar dhunë psikologjike ndaj tij. “Nëse unë dhe familja jote largohemi, nuk do të kesh ku të shkosh, do të jesh si një qen i braktisur”, duket t’i ketë thënë prifti të riut.
23-vjeçari tregon se si është njohur me priftin, ndërsa ka bërë të ditur se është larguar nga qyteti i Trikalasë, sepse nuk ndihej i sigurtë.
“Me priftin njihemi prej vitesh. Më dërgoi mesazh për të pirë kafe, e takoi edhe nëna ime, jemi shoqëruar herë pas here. Gjatë gjithë kësaj kohe nuk patëm asnjë ndihmë financiare prej tij. Menjëherë pas vdekjes së nënës sime shkova për të jetuar me familjen e tij dhe bashkëshortja e tij hiqej sikur më mbështeste.
Kështu filloi shfrytëzimi dhe lufta psikologjike. Më mori kartën e KEA-s, duke më thënë se do të paguajë një pjesë të shpenzimeve të tij, si detyrim që më mbështet.
‘Nëse unë të lë, nuk do të kesh askënd. Nuk ka kush të të dojë dhe të të mbrojë’, tha ai. Më bëri të grindem me të afërmit dhe më largoi nga të gjithë”.
Në lidhje me mbledhjen e fondeve, që është bërë përmes rrjeteve sociale dhe postimeve në media, 23-vjeçari thotë se “nuk më ka thënë asnjëherë për shumat e mbledhura. E mora vesh nga policia. Më dha vetëm 150 euro dhe mora një palë këpucë. Ai mashtroi kaq shumë njerëz”.
Njëkohësisht, i riu, pasi ka treguar se i vjen turp për gjithçka ka ndodhur, u kërkon falje të gjithë viktimave të paditur që ranë në grackën e priftit, ndërsa theksoi se edhe ai vetë është viktimë.
Po më digjte me kryq se isha i pushtuar
Në të njëjtën kohë, 23-vjeçari pohon se “prifti mendonte se kisha një demon sepse kisha një tatuazh dhe ai më digjte lëkurën me kryq. Më tha që do ta heqësh tatuazhin se me një person të Kishës si unë nuk mund ta kesh, je si vagabond”.
Pas asaj që ka kaluar dhe dëmit të madh që i ka bërë 23-vjeçari pohon se avokati i tij e kishte kontaktuar me qëllim që ta bindte të riun që të mbronte priftin, duke u shprehur se gjithçka ka bërë për të mirën e tij.