Luhen sot katër ndeshje shumë të rëndësishme për fatet e skuadrave në Botërorin e Katarit. Dita nis qetë me një sfidë mes Tunizisë dhe Australisë në Grupin D duke nisur nga ora 11:00. Tunizisë do t’i shërbente fitorja për të synuar vendin e dytë, pasi ka arritur një barazim në ndeshjen e parë ndaj Danimarkës.
Në orën 14:00 luhet një betejë, që pritet me shumë kuriozitet. Arabia Saudite, që bëri surprizën më të madhe duke mundur Argjentinën në ndeshjen e parë të grupit, sfidon Poloninë e Lewandowskit. Një hap fals ndaj arabëve, do ta vështirësonte shumë situatën e polakëve.
Në 17:00 zbresin në fushë kampionët e Botës në një përballje të fortë ndaj Danimarkës. Skuadra e Deschamps shihet si favorite, por mbetet për tu parë. Triumfi i francezëve mund t’i sigurojë kualifikimin në fazën me eliminim direkt, në varësi edhe të rezultatit të ndeshjes tjetër të grupit.
Ndërkohë, në 20:00 luhet beteja më e bukur e ditës së sotme, për nga emrat, por edhe për nga rëndësia. Argjentina, që u turpërua nga Arabia në ndeshjen e parë, sfidon Meksikën në një ndeshje që pritet e zjarrtë që nga minuta e parë. Messit me shokë i bën punë vetëm fitorja, në rast të kundërt, përshëndeten me Botërorin.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
Adoleshenti në semafor
Kandidati i parë është adoleshenti , i cili, vrapoi në mes të semaforit të kuq, për të ndihmuar një grua, që mezi tërhiqte një karrocë dore. Ai e pa që ajo ishte në vështirësi dhe se jeshilja ishte hapur për makinat dhe vrapoi që ta ndihmonte.
I riu nga Tirana
Kandidati i dytë, është i riu, zemërgjerë dhe shumë fisnik, i cili ndaloi menjëherë, sapo pa që një qytetar nuk po ndihej mirë në rrugë. Shumë të tjerë kishin kaluar dhe e kishin parë, por vetëm ai ndaloi dhe priti aty derisa erdhi ambulanca.
Studentja që diplomohet
Kandidatja e tretë është studentja e universitetit Bujqësor, e cila u diplomua me rezultate të shkëlqyera, por preku të gjithë me dedikimin e saj për nënën, që sot nuk jeton më. Ajo tregon mes lotësh se gjithë ecurinë e saj akademike, ia dedikon nënës, që nuk e pa duke veshur uniformën e diplomimit.
Ultrasit e ekipit të vllaznisë
Kandidatët e katërt janë Ultrasit e vllaznisë. Ata nuk ngurruan të shprehin gatishmërinë e tyre, për të dalë në ndihmë të banorëve që u përmbytën në ditët me reshje shiu. Ata dolën krah forcave të emergjencave civile dhe atyre ushtarake.
Gruaja fisnike, që shet misra
Kandidatja e pestë është zonja që shet misra në zonën e 21 Dhjetorit. Ajo i erdhi në ndihmë menjëherë vajzës, që e provokoi se nuk kishte para për urban. Edhe pse mezi pret që të nxjerrë disa të holla, ajo nuk u mendua dy herë për të ndihmuar, vajzën, që në fakt po priste për gjestin e mirë të zonjës fisnike.
Vajza zemërgjerë
Kandidatja e gjashtë është vajza, e cila, me anë të një provokimi pozitiv, arriti të nxirrte anën fisnike, të qytetarëve të thjeshtë në Shqipëri. Ajo shpërbleu me 50 mijë lekë gruan që shet misra, e cila nuk ngurroi ta ndihmonte ata me paratë e urbanit, që supozohej se nuk i kishte.
