Cilësia e rrugëve në vendin tonë lë shumë për të dëshiruar. Nga veri në jug ka pafund rrugë që prej vitesh janë lënë në mëshirë të fatit nga pushtetarët që fondet për mirëmbajtjen e tyre i përdorin për çdo lloj gjëje dhe vetëm për qëllimin e duhur jo.
Në fshatin turistik Ishull, pak kilometra larg Lezhës kryebashkiakët nuk janë kujtuar ndonjëherë për rregullimin e rrugëve. Një qytetare e kësaj zone ka denoncuar në redaksinë tonë gjendjen e mjerueshme të rrugëve që prej vitesh janë në lënë në harresë nga kryetarët e pushtetit vendor.
Sipas qytetares pavarësisht faktit se kryetarët e bashkisë ndërrohen vazhdimisht, rrugët vazhdojnë të jenë të pashtruara dhe pa ndriçim. Ajo thotë se para 1 viti shkolla pranë rrugës së fshatiti është rikonstruktuar por askush nuk është kujtuar për të shtruar rrugën ku çdo ditë kalojnë me qindra fëmijë. Këta të fundit ndjekin mësimin me këmbët me baltë dhe të lagura ujë pasi rruga para shkollës është e pashtruar dhe plot me pellgje uji.
Situata bëhet edhe më problematike gjatë këtyre ditëve ku përveç reshjeve të shiut ka patur edhe përmbytje.
Pavarësisht ankesave e denoncimeve të shumta, qytetarët ende nuk kanë marrë asnjë zgjidhje nga pushtetarët. Shpresojmë që ky denoncim të ketë efekt dhe banorët e fshatit Ishull të kenë rrugë të mira ashtu siç i meritojnë.
Denoncimi i qytetares:
Pershendetje. Une qe po ju shkruaj jam banore e fshatit Ishull-Lezhe, ne qytetin e Lezhes. Ne fakt eshte hera e pare qe po ju shkruaj dhe nuk e di se si ta formuloj tamam ankesen qe dua te percjell ,por ka arritur aty ku s’mban me dhe do perpiqem ta pershkruan me Gjitha detajet. Ne fshatin tone, kryesisht qendra,zona ku ndodhet dhe shkolla ,rruget jane te gjitha te prishura,nje skandal i vertete,a thua se jemi ne fund te dynjase dhe jo nje nje vend ku ka levizje cdo ore te dites. Rruget jane lene ne meshire te fatit me gropa te medha dhe pa ndriçim ,ne nje kohe ku jane disa lagje te tjera te ktij fshati dhe jane te shtruara dhe me ndricim. Mesa duket s’do jemi te se njejtes bashki se ndryshe nuk e shpjegojme Ka vite e vite qe nderrihen kryetaret e bashkise dhe asnje seshte munduar as te vije e ta shikoje si problem. Ca zera thone qe s’ka fonde,ca te tjere thonin qe eshte paraqitur si problem por deri tani ska ardhur askush.
Edhe ne si banore e kemi paraqitur ankesen me cdo detaj por eshte ne pritne dhe kjo si te tjerat me perpara.. E keqja me e madhe eshte rruga kryesore e shkolles ku cdo dite femijet e kalojne per te hyre ne shkolle.Kembet e tyre zhyten ne balte e ne uje, ne kohen kur fillojne shirat. Eshte nnje pamje teper e trishte. Nuk e di sj prinderit e tyre deri tani skane bere ndonje ankese kur shohin se ne cfare katrahure po kalojne gjysmen e dites femijet e tyre.Ajo qe eshte per te qeshur dhe qare njehkohesisht eshte fakti qe para 1 viti u rregullua shkolla ,u pajis me palester e me te gjitha kushtet dhe rruga para saj ngeli e parregulluar dhe su mor kush me te. Kjo eshte te vendosesh duart ne koke dhe te ulerasesh me te madhe nga injoranca e madhe qe ka katapultuar kto njerez.. Kemi pritur e duruar kaq vite se nje dite do vinte dikush t einteresohen per kt eproblem por asnje se ka marre persiper..
Sic duket ne foto ,oborri shkolles eshte ky me shtylla me ngjyra.. Kjo eshte gjendja e rruges ktu dhe e tjerave qe degezohen me njera tjetren.Per kto dite qe ra shiu gjendja ishte dhe me keq akoma,sic mund ta imagjinoni dhe vete..
Keto foto jane bere ne momente te ndryshme. Ju lutem nese mundeni ta beni publike kte problem e ishalla kte rradhe nuk shkon ne vesh te shurdhet kjo gje, se jemi vertet ne hall te madh.. Duke shpresuar per me te miren, faleminderit dhe ju uroj pune te mbare