“Sqarim për publikun: “Belinda dhe Arbëri po blinin çizme, pelerina shiu dhe çadra tek Ralph Lauren në Athinë, asortimente këto që do të përdoren gjatë shfaqjeve qeveritare që do të bëhen me rastin festimeve për shirat që na kanë nderuar të shpëtojmë popullin nga kriza energjitike. Të ishte se do kishin dalë për qejf apo për pazar ata do të kishin fluturuar me AirAlbania për një shëtitje romantike në Punta Cana.”, tha në deklaratën zyrtare Mrrela, për të përditshmen Dajti N’Gaz.
Ditën e djeshme, Belinda Balluku u fotografua në Athinë duke bërë shopping tek Ralph Lauren me administratorin e Albgaz Arbër Avramin.
Pavarësisht se zv/kryeministrja e ka rrogën 180 mijë lekë, ajo mund të bëjë shopping në dyqanet e markave të shtrenjta të firmave prestigjioze ndërkombëtare.
Pyetja që bie për interesin publik është: Kush janë burimet e të ardhurave të zv/kryeministres kur nuk ka të deklaruara biznese përpos pagës që merr nga taksat e popullit?
Në raste të tilla populli ngre pikëpyetje dhe dyshime për administrimin e taksave të tyre të buxhetuara në institucionin prokurues Albgaz të administruar nga shoqëruesi i Ballukut, Arbër Avrami.
Kjo periudhë relaksi për Ballukun vjen teksa populli i përmbytur në veri të vendit pret që t’i sjellë shteti bukë, si në rastin e çiftit 80-vjeçar në Lezhë tre ditë të izoluar në banesën e tyre.
Çifti i të moshuarve 80-vjeçarë në Lezhë 3 ditë të izoluar nga përmbytjet: Sot na sollën bukë
Gojët e liga thonë se Balluku dhe Avrami kanë blerë rroba dhe aksesorë të shtrenjtë për përdorim personal, por redaksia e JOQ Albania ka zbuluar ekskluzivisht se çfarë blenë çifti simpatik në dyqanin e Ralph Lauren në Athinë.
Ata kanë udhëtuar deri në Athinë për të blerë çizme, pelerina shiu dhe çadra cilësore tek Ralph Lauren asortimente këto që do të përdoren gjatë shfaqjeve qeveritare që do të bëhen me rastin festimeve për shirat e bereqetit që do të shpëtojnë popullin nga kriza energjitike.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
