Kënga Magjike 2022 kombinon risitë, artistë të mëdhenj e të rinj, në 4 netë plot magji!
Nis së shpejti Kënga Magjike 2022, festivali ndërkombëtar i muzikës, me mbështetjen e ONE & ALbtelecom!
Festivali “Kënga Magjike” sjell përsëri në skenë përjetimet mahnitëse që dhuron muzika dhe spektakli. Pas bashkëpunimit të sukseshëm të vitit të kaluar, One dhe Albtelecom mbështesin përsëri festivalin më të rëndësishëm të muzikës në vend.
Misioni i festivalit “Kënga Magjike” është prurja e muzikës origjinale, nga artistë të mirënjohur dhe premtues të skenës shqiptare, por jo vetëm. Këtë vit, festivali vjen i zgjeruar me një pjesëmarrje edhe të artistëve ndërkombëtarë. Kjo është një risi që rrit nivelin e festivalit, duke e klasifikuar atë në një ndër pesë festivalet më të mirë në Europë.
Çdo edicion i “Kënga Magjike” ka ushqyer skenën dhe kulturën shqiptare me artistë dhe vepra të reja, duke e shoqëruar me një cilësi vizuale mbresëlënëse. Megjithatë, festivali i këtij viti vjen me inovacion edhe nga ana teknologjike. Spektatorët këtë vit do të kenë kënaqësinë të shijojnë një shfaqje në standardet e aplikuara nga “Eurovision”, falë teknologjisë “CuePilot” që është huazuar, për menaxhimin e gjithë aspekteve teknike. Falë kësaj teknologjie, festivali premton të ketë perfeksion skenik dhe regjisorial.
Gjithashtu, e veçanta e “Kënga Magjike” 2022 është edhe kohëzgjatja. Nga tre netë siç jemi mësuar tashmë, do të ofrohen katër netë spektakël në datat 22-23-24 dhe 26 nëntor.
Mbështetja nga ONE dhe ALBtelecom tregon vijueshmërinë e suportit të tyre të eventeve të rëndësishme që ndikojnë pozitivisht në skenën e artit shqiptar. Përmes kanaleve të kompanive në Instagram keni mundësinë të fitoni bileta falas, për të marrë pjesë në një prej netëve të festivalit. Ndërsa për bileta, referojuni kanaleve të shitjes, të vëna në dispozicion nga produksioni i festivalit “Kënga Magjike”. Për publikun prezent në sallë do të ketë WiFi të hapur gjatë të gjitha netëve.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
HEROI I MUAJIT
KLIKO PËR TË VOTUAR
I riu nga Tirana
Është i riu, i cili bëri gjestin, që jo çdokush do e bënte. Pasi pa një qytetar, që hapi pusetën në mes të rrugës për të rënë makinat, i riu e ndoqi atë, derisa e kapi dhe e paralajmëroi që të shkonte të mbyllte pusetën, pasi do e denonconte në polici. Gjesti i këtij qytetari është për t'u duartrokitur, pasi shumë e shumë të tjerë nuk do e bënin.
Vajza që gjeti Brajanin
Kandidatja e dytë është vajza, e cila gjeti Brajanin e vogël, që ishte larguar nga shtëpia. I mituri ishte me autizëm dhe ajo u kujdes për të derisa të mbërrinin familjarët për ta marrë.
Erion Veliaj
I treti, është kryebashkiaku i Tiranës, Erion Veliaj. Kujtojmë se Veliaj dikur ka tregtuar fiq në trotuar. Gjithsesi, ai sot gëzon shumë pasuri dhe kjo nuk e ka penguar të jetë i thjeshtë duke shtyrë një person me aftësi ndryshe, në Maratonën e Tiranës. Qytetari i cili dërgoi foton në inbox raporton se përkundrejt dëshirës së Veliajt të jetë anonim, ai dhe 30 kameramanë të tjerë kanë shkrepur fshehurazi veprimin human.
Aleks Visha
I katërti, është personazhi i njohur, Aleks Visha, i cili organizoi sfidën në Tik Tok, me disa persona të tjerë për të ndihmuar Klevisin, 20-vjeçarin, i cili ndodhej në gjendje kritike për jetën. Për më pak se 33 orë, ai mblodhi 300 mijë euro, duke bërë kështu të mundur dërgimin e Klevisit në një nga spitalet më të mirë në Europë.
Mjeku human
Kandidati i pestë është mjeku nga Kosova, i cili në xhamin e makinës, kishte vendosur numrin e tij, që personat që nuk kanë mundësi ekonomike për t’u vizituar ta kontaktojnë dhe mund t’ua ofrojë shërbimin pa pagesë. Teksti i tabelës shkruan: “Nëse keni nevojë për mjek dhe nuk keni mundësi të paguani, atëherë më ndaloni”.
Pasagjeri në urban
I gjashti, është i riu që reagoi ndaj dhunimit së një gruaje nga një burrë në urbanin e Kombinatit. Sipas raportimeve nga vendngjarja ai mori në mbrojtje gruan, që u shty me forcë nga një qytetar.
17-vjeçari nga Vlora
Kandidati i shtatë është 17-vjeçari nga Vlora, që doli në mes të rrugës dhe ndaloi makinat për të shpëtuar zogun që po përpëlitej. Ai e mori zogun dhe e dërgoi në një qendër veterinare.
Gjimnazisti jo-servil
Kandidati i tetë, por jo për nga rëndësia, është gjimnazisti, i cili, ndryshe nga të rinjtë e tjerë, i përplasi Ramës disa të vërteta në sy. Ai nuk ndoqi shembullin e bashkëmoshatarëve të tjerë, që në takimet me kryeministrin u servilosen, por tha disa fakte, që u duartrokitën nga të gjithë.
